PLAASBESTUURDER (KERN- EN STEENVRUGTE)

Ons kliënt, ‘n gevestigde kern- en steenvrugte produsent, geleë in Breërivier (tussen Wolseley en Worcester), is op soek na 'n ervare, dinamiese en resultaatgedrewe Plaasbestuurder om die volle produksie van hul kern- en steenvrugteplaas te bestuur. Die suksesvolle kandidaat sal verantwoordelik wees vir die beplanning, bestuur en uitvoering van alle produksie-aktiwiteite om optimale opbrengste en vruggehalte te verseker.

VERANTWOORDELIKHEDE

• Bestuur produktiwiteit & kwaliteit van werkers

• Volledige bestuur van alle produksie-aktiwiteite op die plaas.

• Bestuur van besproeiing, bemesting, gewasbeskerming en snoeiprogramme.

• Monitering van vrugkwaliteit, opbrengste en produktiwiteit.

• Verseker dat alle voedselveiligheids-, kwaliteit- en veiligheidsvereistes nagekom word.

• Bestuur van begrotings, insetkoste en hulpbronne.

• Noue samewerking met die pakstoor om optimale vrugkwaliteit en doeltreffende logistiek te verseker.

• Organisering en monitoring van werkers, oes, besproeiing, bemesting en stukwerk

• Rekordhouding van werksaktiwiteite

VEREISTES

• Minimum 10 jaar bewese ervaring in die bestuur van kern- en/of steenvrugproduksie.

• Pakstoor-ervaring of -agtergrond sal sterk in jou guns tel.

• Goeie kennis van moderne boerderypraktyke, besproeiing, bemesting en gewasbeskerming.

• Sterk leierskap-, kommunikasie- en mensebestuursvaardighede.

• Geldige bestuurslisensie.

• Tersiêre opleiding in lanbou sal voordelig wees

• Akkuraat, tydig, netjies en oplettend

• Moet bereid wees om naweke en na ure te werk

• Goeie Administrasie en kommunikasie vaardighede in Engels en Afrikaans

• Meganiese kennis sal in u guns tel

AANSOEK SLUITINGSDATUM: 9 AUGUSTUS 2026

Slegs kortlys kandidate sal gekontak word.

Werwingsprosedures voldoen aan Die Wet op die Beskerming van Persoonlike Inligting, Nr. 4 van 2013.